- ପଚାର ପଚାର-
ମଣିଷ କିଆଁରେ ଏତେ ହୀନିମାନ?
ସତ କିରେ କହ ଭାଗ୍ୟ ଭଗବାନ?
କିଏ ଗଢ଼ିଛି ଏ ଶୋଷଣ ବ୍ୟବସ୍ଥା?
ଶ୍ରମଜୀବି ଲାଗି ଯାବତ ଅହନ୍ତା।୬।
- ଉଚ୍ଚାର, ଉଚ୍ଚାର-
ମହାମନ୍ତ୍ର ଏହା ନିଃସ୍ବ ଜନତାର;
ବିଶ୍ବମୟ ଆମେ ସର୍ବେ ଏକାକାର;
ଏକତାହିଁ ଆମ ଚକ୍ର ସୁଦର୍ଶନ
ଜିଣିବାକୁ ଏହି କୁରୁକ୍ଷେତ୍ର ଋଣ।୧।
- ଉଚ୍ଚାର, ଉଚ୍ଚାର-
ଆମେ ବୁଦ୍ଧିଜୀବୀ ଶ୍ରମିକ କିଷାଣ,
ଆମେରେ ଅନ୍ୟାୟ- ବିରୋଧୀ ନିଶାଣ,
ଆମେ ଏକତାରେ ପଜା ଇସପାତ,
ସବୁ ଶୋଷଣକୁ କରିବୁ ନିପାତ।୨।
- ଉଚ୍ଚାର, ଉଚ୍ଚାର-
ଆମେ ସଂଗଠିତ ନଗର ଓ ଗ୍ରାମ,
ଆମେ ସାମବେଦ ଜୀବନ- ସଂଗ୍ରାମ,
ଶୋଷଣ ବିରୋଧ ସବୁଜ ଆହ୍ବାନ,
ଆମେ ରେ ମଣିଷ ଆମେ ନାରାୟଣ।୩।