- ପଚାର ପଚାର-
ଜନମି ଥିଲି ମୁଁ ଅମୃତ ସନ୍ତାନ
ଆମେ ମରୁ କିଆଁ ହା ଅନ୍ନ ଅନ୍ନ
କିଏ ଜାଳେ ଏଥି ଅଭାବର ନିଆଁ?
ପୋଡି ଛାରଖାର କେ କରେ ଦୁନିଆଁ।୧।
- ପଚାର ପଚାର-
ଶ୍ରମ ଦେଇ ଆମେ ଛିଡ଼ା କରୁ ଖେତ
ଆମର କିଆଁରେ ପୂରେ ନାହିଁ ପେଟ?
ଅମଳି ଫସଲ କିଏ ନିଏ ଲୁଟି
ଆମ ପିଲା କିଆଁ ଶୁକୁଟା ଶୁକିଟି।୨।
- ପଚାର ପଚାର-
ଜମିପାର କିଆଁ ମାଲିକ ଜମିରେ?
ଚାଷୀ ଉପାସିଆ? ସେମାନେ ଅମୀର?
କଚେରୀ ତ ତା’ର, ତାହାରି ପୁଲିସ,
କା’ ଆଗରେ ବାବୁ କରିବୁ ନାଲିସି?।୩।
- ପଚାର ପଚାର-
ଖଣି ତଳେ ଦେଉଁ ରକତ ନିଗାଡ଼ି,
ଆମ ଲାଗି କିଆଁ ଚାଚର ଝୁମ୍ପୁଡ଼ି?
ଫଉଜ କି ଖାଲି ମୁନାଫା ସକାଶେ?
ଖଣି ମାଲିକ ତ ଉଡୁଛି ଆକାଶେ।୪।
- ପଚାର ପଚାର-
ବାହୁବଳେ ଠିଆ କଳ କାରଖାନା,
ମଜୁରିଆ ପେଟେ କିଆଁ ଓଦାକନା?
ବାନ୍ଧିଲା କିଏ ସେ ଆଇନ ଶିକୁଳି
ଦୁଃଖ ଜଣାଇଲେ ଲାଛିବାକୁ ଗୁଳି।୪।