ଆମ କାମ ତାଙ୍କ ହାତମୁଠା ଟାଣ କରିବା,
ଚାଲ ଆମେ ତାଙ୍କ ହାତମୁଠା ଠାଣ କରିବା।
ତାଙ୍କ ହାତମୁଠା ଟାଣ କର,
ତାଙ୍କ ବିଂଶବାହୁ ମଜବୁତ୍ କର;
ତାଙ୍କ ବିଂଶବାହୁ ମଜବୁତ୍ ହଉ,
ତାଙ୍କ କାର୍ଯ୍ୟକ୍ରମ ଆମ କର୍ମ ହେଉ,
ବିଂଶଦଫା ଆମ ଧର୍ମ ହେଉ।୧।
ଆମେ ସ୍ବାଧୀନ ହେଲୁ ତାଙ୍କ ଲାଗି
ସ୍ଲୋଗାନ ଦିଅ ଜୟହିନ୍ଦ୍।
ଆମେ ଗଣତନ୍ତ୍ର ପାଇଛୁ ତାଙ୍କ ଲାଗି;
ସ୍ଲୋଗାନ ଦିଅ ଜୟହିନ୍ଦ୍।
ଆମ ସମ୍ବିଧାନ ଗଢ଼ା ତାଙ୍କ ଲାଗି;
ସ୍ଲୋଗାନ ଦିଅ ଜୟହିନ୍ଦ୍।୨।
ତାଙ୍କ ଲାଗି ରାମରାଜ୍ୟ ଆରେ ଆସିଲା;
ତାଙ୍କ ଲାଗି ଘିଅ ମହୁ କେତେ ତ ଭାସିଲା;
ତାଙ୍କ ଲାଗି କଳକାରଖାନା ବସିଲା;
ତାଙ୍କ ଲାଗି ସବୁଜ ଖେତ ତ ହସିଲା;
କୀର୍ତ୍ତନିଆ ଭାଇ ବୋଲରେ ବୋଲ,
ପିଟରେ ଗିନି, କରତାଳି ଦେଇ
ପିଟ୍ ତୋ ଖୋଳ;
କୀର୍ତ୍ତନିଆ ଭାଇ ବୋଲରେ ବୋଲ।୩।
‘ଗରିବୀ ହଟାଓ’ ଆହା କି ମଧୁରବାଣୀ!
ଆମେ ଗରିବଙ୍କ ଲାଗି-
ତାଙ୍କର କି ଦରଦ,
କି ମେହରବାନି!
ଗରିବୀ ହଟିବ ଭାଇ, ଗରିବୀ ହଟାଓ,
ଗରିବୀ ହଟିବ ନିଶ୍ଚେ, ଗରିବୀ ହଟିବ,
ଗରିବୀ ହଟୁଛି ଜାଣ, ଗରିବୀ ହଟୁଛି,
ଗରିବୀ ଯାଇଛି ହଟି, ଗରିବୀ ହଟିଛି।୪।