ଆଲମ୍ଗିର୍! ଆଲମ୍ଗିର୍!!
ଦୁଲକେ ଦିଲ୍ଲୀ, କମ୍ପେ ଆଗ୍ରା, ତ୍ରସ୍ତ ଆଜମୀର୍।
ଆଲମ୍ଗିର୍! ଆଲମ୍ଗିର୍!!
ଆଲମ୍ଗିର୍ ଲୋଡେରେ ଆଜି ରାଜକି ହିନ୍ଦୁସ୍ଥାନ
ଦକ୍ଷିଣ ଛାଡି ଉତ୍ତରେ ମୋଡେ ହିଂସାର ଅଭିଯାନ;
ସିଂହାସନ ଅକ୍ତିଆର ଖଡ୍ଗେ ଥିବ ଶକ୍ତି ଯା’ର
ମୁଲକୀ ହକ୍, ଗାଦିର ସକ୍ ଯୁଦ୍ଧ ହେବ ସ୍ଥିର।
ଆଲମ୍ଗିର୍! ଆଲମ୍ଗିର୍!!
ଆଲମ୍ଗିର୍! ଆଲମ୍ଗିର୍-
ବୃଦ୍ଧ ଶାହା ବନ୍ଦୀଶାଳେ
ନିରବେ ବସି ଅଶ୍ରୁ ଢ଼ାଳେ;
ମୁଲ୍କ କହ ‘ଆଲ୍ଲା ଚାହେ-କାଫେର୍ ଦାରା ଶିର୍’।
ଆଲମ୍ଗିର୍! ଆଲମ୍ଗିର୍!!
ବାଦଶାହୀର ବନ୍ଦା ଯେତେ
ନ ମିଳେ ଭେଟ କାହିଁ ତ ଗୋଟେ
ବୁଡିଲା ନାହା ଶାହାଜାହାନେ ପ୍ରବୋଧି କହେ ଉଜିର୍
“ଜାଁହାଁପନା, ହାମେ ସବୁ ଖାଲି ସର୍ବନାମ;
ଆମ କାମ ନିର୍ବିଚାରେ ବିଶେଷ୍ୟକୁ କରିବା ପ୍ରଣାମ;
ଆମେ ସବୁ ଖାଲି ସର୍ବନାମ।
ଆମ ଧର୍ମ
କର୍ତ୍ତା ଆଉ ତା’ର କ୍ରିୟା-କର୍ମ
ଅନୁସରି ମାରିବା ସଲାମ;
(ସେ ହେଲେଟି ହେଉ ଲଙ୍କାପତି ବିଂଶବାହୁ,
ଅବା ହେଉ ରାମ)
“ଆମେ ଖାଲି ଧୂପଛାୟା, ଜ୍ୟୋତିହୀନ ଆଲୋକ ଫଳକ,
ସ୍ପଟିକର ମିଛଝଳି କାଚମାଳି ତୁଚ୍ଛା ଝକମକ;
ଜାଁହାଁପନା ସଲାମ ସଲାମ
ବୁଡ଼ିଲା ନାହା ଶାହାଜାହାନେ ପ୍ରବୋଧି କହେ ଉଜିର୍
ଆଲମ୍ଗିର୍! ଆଲମ୍ଗିର୍!!