ସେଥିରେ ଖିଆଲି ବ୍ୟାଘାତ
ମୋର ଜନ୍ମଗତ ଅଧିକାର ଉପରେ ଅଯଥା ହସ୍ତକ୍ଷେପ;
ମୁଁ ତା’ କଦାପି ବରଦାସ୍ତ କରିବି ନାହିଁ,
ବରଦାସ୍ତ କରିବି ନାହିଁ, ବରଦାସ୍ତ କରିବାର ନୁହେଁ,
ତୁମେଗୁଡା ବୃଥା ହାମଲା କରିବା ଛାଡ;
ହଟି ଯା ଏଠାରୁ
ମୋ କଥାକୁ ତାଚ୍ଛଲ୍ୟରେ ଉଡେଇ ଦେବାକୁ ଚାହଁ।
ମୁଁ ଗୋଟାଏ କୁତା, ବାରବୁଲା।
ଆଉ ତୁମେ? ମାସିକ ମୋଟା ଦରମା ଓ ମହଙ୍ଗାଭତ୍ତା
ପାଉଥିବା ପେଶାଦାର ଗ୍ରେହାଉଣ୍ଡ:
କମ୍ପାନୀ ଲୁଣ-ଗୋଦାମର ପହରାଦାର,
କଳାମୁନିବର ନୂଆ ଡାକବଙ୍ଗଳା ଜଗିବା ଭାର
ଏବେ ତୁମ ଉପରେ ନ୍ୟସ୍ତ।
ଜନ ସେବାରେ ବ୍ୟସ୍ତ ରହି
ତୁମେ ବନିଯାଇଛି ତ ବେଶ୍ ପେଟା ପେଟା।
ହେଲେ ଜାଣେ, ତୁମେ ସବୁ ଜାତିରେ ହେଟା।
ମୟୂରପୁଚ୍ଛରେ କେବେ କାହାର ପ୍ରକୃତି ବଦଳିଛି?
ଚେହେରାର ଆଟୋପରେ ମୋର ଭ୍ରାନ୍ତି ଜନ୍ମେ ନାହିଁ;
ଲାଠି ଓ ପିସ୍ତଲର ଧକାଣରେ ଶଙ୍କିଯିବାର ଜୀବ ନୁହେଁ ମୁଁ
ମୋ ଜନ୍ମଗତ ଅଧିକାର ଲାଗି ମୁଁ ନିଶ୍ଚିୟ ଲଢ଼ିବି।
ମରିବାକୁ ମୁଁ ଭୟ କରେନାହିଁ।